අනුරාධපුර දිස්ත්‍රික් ලේකම් කාර්යාලය හා දිස්ත්‍රික් සංස්කෘතික බලමණ්ඩලය එක්ව සංවිධානය කළ 2020 සාහිත්‍ය කලා මහෝත්සවය 2021/01/19 දින දිස්ත්‍රික් ලේකම් කාර්යාලයාලයේ දී පැවැත්විණි. ඒ් මහ දිසාපති නීතීඥ ආර්.එම් වන්නිනායක මහතාගේ ප්‍රධානත්වයන්.
මෙහිදී
පැමිණි පිරිස අමතමින් මහ දිසාපතිවරයා ප්‍රකාශකර සිටියේ වත්මානයේ
නවින තාක්ෂණය හේතුවෙන් නිර්මාණශීලි බුද්ධිය‚ පරිකල්පනය
වැනි නිර්මාණ කරුවෙකුට සුවිශේෂි ගුණාංග බොහෝ දෙනාගෙන් ගිලිහෙමින් පවතින බවයි. තවද
ස්භාව ධර්මය හා ගැටිමට අද දරුවනට කාලයක් නොමැති විම හේතුවෙන් සාහිත්‍ය නිර්මාණයන් පසු බෑමකට ලක්ව ඇති බවද ඒතුමා වැඩිදුරටත් සඳහන් කළේ ය.
දිස්ත්‍රික් මටිටමේ ජයග්‍රහණ හිමිකර ගන් පාසල් හා විවෘත යන අංශයන් වලින් අත්අකුරු‚ ළමා කතන්දර කෙටිකතා‚ ශබ්දකෝෂ ශාස්ත්‍රීය ලිපි‚ ආදි තරග ඉසව් රැසකින් ජයග්‍රහණය කල දරුදැරියන් 134 දෙනෙකු ත්‍යාග හා සහතික පත් ලබා ගත්හ. සිංහල‚දෙමල‚ඉංග්‍රීසි යන මාධ්‍යන්ගෙන් තරග පැවතිමත් එම තරග සදහා ඔනෑම මාධ්‍යකින් සහභාගි විමට හැකිවිමත් විශේෂ කරුණකි.
මෙහිදී
ළමා කතන්දර පිලිබද දේශනයක් ප්‍රවීන ළමා කතන්දර
රචිකාවක් වන දිනේශා චතුරන්ගණි මහත්මියත්‚කෙටිකතා පිලිබද
දේශනයක් එම්.ඒ. සන්ධ්‍යා මධුරසිංහ මහත්මියත්‚ පැමිණි දරුවන් හමුවේ ඉදරිපත් කලහ. තවද කිවිවර කොහොලන්වල කරුනාපාල මහතා‚
ගිපද රචක කරුණාරත්න ජයතිලක මහතා‚ කලාසුරි
යු මුනිදාස මහතා හා දිස්ත්‍රික් සංස්කෘතික බලමණ්ලයේ
ලේකම් මැටිල්ඩා අධිකාරම් මහත්මිය යන කලාකරුවන් මෙන්ම දිස්ත්‍රික් සංස්කාතික නිලධාරී ඒ.කේ . සිරිවර්ධන මහතා ඇතුළු නිලධාරීන් පිරිසක්
ද මේ අවස්ථාවට එක්ව සිටියහ.
(විස්තර හා ඡයාරූප අනුග්‍රහය - දිස්ත්‍රික් මාධ්‍ය ඒකකය, අනුරාධපුර දිස්ත්‍රික් ලේකම් කාර්යාලය)
